Qeveria do të shpallë zonë të mbrojtur Vjosën nga kufiri me Greqinë deri në derdhjen në Adriatik

KOMENTE

SHPERNDAJE
ARTIKULLIN

Text sizeAa Aa

Qeveria ka në plan të shpallë zonë të mbrojtur të gjithë pjesën e lumit Vjosa, ndërkohë që është parashikuar të zgjerohet zona e mbrojtur edhe në Alpet e Shqipërisë.

Ky plan u bë me dije nga ministri i Mjedisit dhe Turizmit, Blendi Klosi, gjatë një takimi të zhvilluar me Programin e Kombeve të Bashkuara për Zhvillimin (UNDP) për zhvillimin e infrastrukturës dhe shtigjeve turistike në zonat e mbrojtura.

“Vendimet në unanim të institucioneve shtetërore mbrojnë zona të tëra ku padyshim një nga ato më të debatuarat është e gjithë Lugina e Lumit Vjosë, e cila tashmë është një zonë e mbrojtur, […] duke hequr debatin që vazhdon të jetë në media për politika të caktuara duke garantuar opinionin publik se vendimi fundit i Këshillit Kombëtar të Rregullimit të Territorit e përcakton […] Parkun e Vjosës të gjithë nga kufiri i sipërm me Greqinë deri në derdhjen e saj në det një peizazh të mbrojtur, një zonë e mbrojtur një vlerë unikale të mjedisit shqiptar,” – tha ministri Klosi.

Deklarata e Klosit vjen disa muaj pasi kryeministri Edi Rama replikoi në distancë me Presidentin Ilir Meta për çështjen e Vjosës, lum në të cilin prej vitesh ka qenë planifikuar ndërtimi i disa hidrocentraleve.

Pas thirrjeve publike të Metës për ta shpallur luginën e Vjosës Park Kombëtar, Rama u përgjigj se qeveria e tij ka refuzuar zyrtarisht të japë leje për hidrocentrale në atë zonë. Deklarata e kryeministrit nuk u shoqërua me ndonjë vendim të publikuar, mirëpo u përshëndet nga disa eurodeputetë pasi Vjosa konsiderohet lumi i fundit i egër, me rrjedhje të lirë në Evropë dhe sipas disa studimeve është shtëpi e qindra gjallesash endemike.

Klosi tha sot se Agjencia Kombëtare e Territorit në bashkëpunim me ministrinë e Mjedisit ka rishikuar të gjitha zonat e mbrojtura duke i përmbledhur në një studim, i cili pritet të miratohet nga qeveria, studim ky që parashikon zgjerimin edhe të zonës së mbrojtur në Alpe.

Ndërkohë projekti i UNDP-së, në bashkëpunim me ministrinë, synon të sigurojë burime financiare të mjaftueshme, të qëndrueshme dhe afatgjata për zonat e mbrojtura, t’i alokojë ato në kohën e duhur dhe të sigurojnë që zonat e mbrojtura të menaxhohen në mënyrë efektive dhe efikase.

Lexoni gjithashtu:

Meta thirrje qeverisë të shpallë Vjosën park kombëtar

Pesë eurodeputetë përgëzojnë qeverinë për tërheqjen nga projektet e HEC-ve në Vjosë dhe i kujtojnë Valbonën

Hapet qendra kërkimore “Vjosa”, Meta-Rama përplasjen për pasuritë natyrore


Etiketimet

Gruaja vdiq nga i ftohti në Fier, duhet riparë ndihma ekonomike?

Një grua ka humbur jetën nga i ftohti në Fier. Djali i saj, akuzon se OSHEE ia ndërpreu dritat pa të drejtë. A do ishte...

81% apo 92%? Ish-ministrja debaton me zv.kryetaren e PD për borxhin publik

Ish-ministrja e Financave, Anila Denaj thotë se niveli i borxhit publik është 80.1% dhe jo 84% siç deklaron Presidenti. Deputetja e PS tha se në...

Banorët e 5 Majit: Të prishen banesat kur të zgjidhet strehimi

Banorët e lagjes 5 Maji kërkojnë të mos prishen banesat derisa të bëhet marrëveshja me bashkinë. Sipas tyre puna e IKMT-së duhet të pezullohet derisa...

Regjistrohu për të marrë NEWSLETTER