Me 40820 vota Sali Berisha u rikthye në krye të Partisë Demokratike. Këtë rikthim të Sali Berishës shumë deputetë të Partisë Demokratike e respektojnë, ndërsa të tjerë e cilësojnë si ditë të keqe për bashkimin e demokratëve.

Grida Duma vë theksin të respektimi i vullnetit të demokratëve dhe tek pesha e madhe që Berisha ka në opozitarizmin në vend.

“Pesha me të cilën i drejtohet ai demokratëve, mesa duket është më e madhe se e të tjerëve. Na vjen mirë s’na vjen mirë për këtë çështje, është tjetër. Që duhet njohur vullneti i demokratëve duhet njohur”, tha deputetja Duma.

Këtë mendim të Dumës nuk e ndajnë deputetë të tjerë demokrat që thonë se sot PD nuk është më e bashkuar.

“Unë s’e kam mohuar asnjëherë që Berisha ka mbështetësit e tij, po PD nuk është e bashkuar sot, ky është një lajm i keq për demokratët”, shprehet deputetja Dhurata Çupi.

Sipas deputetes Oriola Pampuri, proceset e njëanshme nuk mund të kenë një finale që pranohet nga të gjithë.

Në zgjedhjet e zhvilluara këtë të diel Berisha mori mbështetjen e 93% të demokratëve që votuan në garën e tij përballë Ibsen Elezi.

LEXONI GJITHASHTU:

• Berisha rikthehet në krye të PD-së: U krye, do çlirojmë Shqipërinë
• Sali Berisha rizgjidhet në krye të PD-së