Një tërmet me magnitudë 6.2 i shkallës rihter ka tronditur Stambollin në orën 12.49 të së mërkurës.
Prezantuesja e CNN TURK Meltem Bozbeyoğlu është kapur drejtpërdrejt në studio në momentin e tërmetit dhe siç duket nga pamjet e ka përjetuar shumë keq.
CNN Turk’s broadcast during the 6.2 earthquake in Istanbul, Türkiye. pic.twitter.com/sm0l7TB1zz
— Clash Report (@clashreport) April 23, 2025
Shumë e shqetësuar dhe pa frymë, Bozbeyoğlu thotë: “E ndjemë tmerrësisht”. Më pas ajo i kërkon dikujt përmes kufjes së saj që të thërrasë nënën e saj.
“Unë jam 32 vjeç dhe kjo është hera e parë që përjetoj një tërmet kaq të madh”, thotë ajo.
Ajo i lë nënës së saj një mesazh: “A mund të më kontaktosh të lutem në WhatsApp”.
“Isha e frikësuar, kërkoj falje nëse ju bëra panik”, u thotë ajo shikuesve.
Tërmeti shkaktoi panik te banorët e zonave afër epiqendrës të cilët kanë dalë menjëherë nga banesat dhe janë këshilluar që të mos hyjnë brenda për rreth 3 orë.
Nga informacione e deritanishme nuk raportohet për dëme të konsiderueshme apo fatalitete në jetë njerëzish.
LEXONI GJITHASHTU:
- Tërmeti 6,2 ballë, flet shqiptari në Stamboll: Tronditje shumë e madhe, e prisnim
- VIDEO/ Tërmeti 6.2 ballë në Stamboll, qytetarët lënë shtëpitë dhe zyrat të tronditur