Sam Bankman-Fried ish-manjati i kriptomonedhave, është dënuar me 25 vjet burg federal për mashtrim të klientëve dhe investitorëve në shkëmbimin e kriptove FTX.
Dënimi u dha nga gjyqtari Lewis A. Kaplan në Gjykatën Federale të Qarkut në Manhatan.
Përveç dënimit me burg, Kaplan urdhëroi gjithashtu konfiskimin e shumës prej 11.2 miliardë dollarësh.
Përpara se të jepej dënimi, 32-vjeçari u kërkoi falje klientëve, investitorëve dhe punonjësve të FTX, firmës së tij e cila u bë përgjegjëse për humbjen e rreth 12 miliardë dollarëve..
Bankman-Fried u arrestua në dhjetor të vitit 2022. Një muaj para arrestimit të tij FTX shpalli falimentimin në SHBA, duke pamundësuar që shumë përdorues të kësaj kompanie të tërheqin fondet e tyre.
Sipas një dosjeje gjyqësore të paraqitur në gjykatë muajin e kaluar, kompania FTX u detyrohej 50 kreditorëve të saj më të mëdhenj afër 3.1 miliardë dollarë.
LEXONI GJITHASHTU:
- Mali i Zi ekstradon në Korenë e Jugut partnerin e “mbretit të kriptovalutave”
- Cristiano Ronaldo përballet me një padi prej 1 mld dollarësh për reklamat e kriptove