Kandidati i Partisë Socialiste për Bashkinë e Himarës, Vangjel Tavo, është paraqitur në qendrën e tij të votimit në Himarë, ku ka ushtruar të drejtën e votës.

Gjatë një komunikimi me një qytetar të cilit i kishte skaduar karta e identitetit dhe nuk po lejohej të votonte, Tavo tha se një gjë të tillë nuk e lejonte ligji dhe nuk kishte zgjidhje.

Sipas Tavos, ligji është i barabartë për të gjithë dhe duhet respektuar.

“Nuk e lejon ligji. Ligji është i barabartë për të gjithë, nuk voton dot. Shumë faleminderit”, tha Tavo.

“Procesi deri tani ka qenë shumë i qetë, uroj që ky proces të vazhdojë kështu deri në momentin e fundit, ashtu siç ka pasur qetësi gjatë fushatës elektorale. I bëj thirrje himariotëve që të votojnë për kandidatin më të mirë. ID e skaduara është çështje e ligjit, e organeve kompetente, jo e imja. Mbi ligjin nuk mund të dalë askush”, tha Tavo për mediat pas votimit.

Kujtojmë se Tavo garon sot përballë kandidatit të opozitës së bashkuar, Petro Gjikurisë për Bashkinë e Himarës.

LEXONI GJITHASHTU:

• Një 90-vjeçare paraqitet për të votuar në Himarë: Kërkoj të drejtat e munguara
• Zgjedhjet në Himarë, Policia: Kemi marrë në ruajtje të gjitha qendrat e votimit