Gjykata e Vlorës ka dhënë masën e sigurisë arrest me burg për ish-efektivin Arjan Tase.
Prokuroria kërkoi arrest me burg për efektivin e policisë i cili në plazhin e Potamit me gomonen që ngiste vrau një vajzë 7-vjeçare. Akuza që është ngritur mbi Tasen është ajo e vrasjes me dashje indirekte.
Sipas kodit penal, ‘dashja’ vjen në dy forma: Dashja direkte kur autori e dëshiron pasojën kriminale, e parashikon dhe me ndërgjegje lejon ardhjen e saj; dashje indirekte kur autori nuk e dëshiron pasojë kriminale por e parashikon dhe me ndërgjegje lejon ardhjen e pasojës.
Me akuzën e re të ngritur nga organi i akuzës, Tase rrezikon nga 10-20 vite burg.
Prokuroria e Vlorës ndryshoi akuzën e vrasjes nga pakujdesia të cilën e kishte referuar Agjencia për Mbikëqyrjen Policore, duke ngritur atë të vrasjes me dashje.
LEXONI GJITHASHTU:
- Berisha: Janë zhdukur kamerat që regjistruan vrasjen në Himarë
- Ngjarja në Himarë, Ngjela: Vrasje me dashje, të ashpërsohet kodi penal
