Pas krimit të dyfishtë në familjen Islamaj në Konsipol , ku burri goditi me sëpatë gruan, e më pas djali shtyu të atin nga shkallët, Policia e Vlorës ka arrestuar Klementin Islamaj.
Ky i fundit, 41 vjeç, u arrestua në flagrancë i dyshuar për veprën penale “vrasje e kryer në gjendje të tronditjes së fortë psikike”.
Kjo pasi Klementini dyshohet se pasi ka parë nënën e tij të pajetë, është konfliktuar fizikisht me babain e tij, Hysen Islamaj, 69 vjeç, duke e shtyrë atë nga shkallët.
Si pasojë e dëmtimeve të marra 69 vjeçari ka humbur jetën.
Deklarat e Policisë së Vlorës:
“Në vijim të veprimeve procedurale të kryera për ngjarjen e ndodhur ditën e djeshme, në fshatin Shals, Konispol, ku shtetasi H. I., 69 vjeç, në banesë, dyshohet se goditi me sëpatë, në kokë, për motive të dobëta, bashkëshorten e tij, shtetasen Sh. I., 67 vjeçe, e cila si pasojë humbi jetën, Seksioni për Hetimin e Krimeve ndaj Personit arrestoi në flagrancë djalin e tyre, shtetasin K. I., 41 vjeç, për veprën penale “Vrasja e kryer në gjendje të tronditjes së fortë psikike”. Shtetasi K. I. dyshohet se pasi ka parë nënën e tij të pajetë, është konfliktuar fizikisht me babanë e tij, e ka shtyrë atë nga shkallët e banesës dhe si pasojë e dëmtimeve, 69-vjeçari ka humbur jetën.”
LEXONI GJITHASHTU:
- Konispol| Vrau gruan me sëpatë, gazetarja: Ku ndodhej djali i çiftit në atë moment
- Krimi i dyfishtë në Konispol, 2 vrasjet ndodhën në praninë e mbesës 10-vjeçare
