Policia e Tiranës ka arrestuar 74-vjeçarin Hekuran Gjoni i cili një ditë më parë qëlloi për vdekje me thikë djalin e tij 37-vjeçar.
Specialistët për Hetimin e Krimeve të Rënda në bashkëpunim me Komisariatin e Policisë Nr. 4 bënë arrestimin në flagrancë të shtetasit Hekuran Gjoni 74 vjeç, banues në Tiranë.
Arrestimi i këtij shtetasi u bë pasi pasditen e djeshme, gjatë një konflikti të çastit për motive të dobëta, ka goditur me mjet prerës djalin e tij shtetasin Asim Gjoni, i cili si pasojë ka humbur jetën në spital.
Materialet i kaluan Prokurorisë, për veprime të mëtejshme procedurale, për veprën penale të “Vrasjes për shkak të marrëdhënieve familjare”, në ngarkim të shtetasit Hekuran Gjoni.
LEXONI GJITHASHTU:
- Emri/ Babai godet me thikë djalin në Tiranë, 37-vjeçari humb jetën në spital
- Plagosi me thikë një 46-vjeçar në Tiranë, arrestohet autori