Kuvendi rrëzoi me votat e PS, kërkesën e grupit parlamentar të PD për interpelancë me kryeministrin Rama në lidhje me pretendimet e demokratëve se shefi i qeverisë ka punësuar si këshilltar një agjent të huaj rumun, i cili është pjesë e trafikut ndërkombëtar të drogës.
Kreu i grupit të PD, Gazment Bardhi u përplas gjatë fjalës në Foltoren e Kuvendit me deputetin socialist, Erion Braçe.
Teksa Bardhi kërkonte praninë e kryeministrit në seancë për mbajtjen e interpelancës, socialisti Erion Braçe ndërhyri nga vendi dhe debati agravoi në ofendime të rënda.
Pjesë nga debati:
Erion Braçe: Na plasi tr*pi çfarë thua ti
Gaz Bardhi: Çfarë ke ti mo? Çfarë ke? Gore çfarë ke?
Erion Braçe: Mbylle gojën k*urvë m*ti!
Gaz Bardhi: Ça ke?
Gazment Bardhi: E mos guxo mbaj vendin tënd! Mos fol, je zëdhënës i krimit të organizuar e korrupsionit.
Braçe…. (Nuk dëgjohet pasi nuk ka ndezur mikrofonin).
Bardhi: Vrave njerëz në derën e SPAK! Po, po ti e vrave. Ti dhe qeveria jote që nuk ndërhyn për mikrokreditë e këqija, i keni lënë njerëzit rrugëve.