Për Serbinë mbetet prioritet formimi i Asociacionit të komunave me shumicë serbe.
Një fakt të tillë, presidenti serb Aleksandër Vuçiç ua ka bërë me dije dy senatorëve amerikanë, Chris Murphy dhe Gary Peters gjatë një takimi të përbashkët.
Ai i ka falënderuar edhe për angazhimin e tyre në mbështetjen e dialogut me Kosovën.
“Do të vazhdojmë të insistojmë në zbatimin ekskluziv të vendimit për Asociacionin ashtu siç është paraparë në Marrëveshjen e Brukselit”, ka theksuar Vuçiç rreth takimit në fjalë me dy senatoret amerikanë.