Të mërkurën, Departamenti i Shëndetit i Shtetit të Misisipit (MSDH), përmes një hetimi të përbashkët me Qendrat për Kontrollin dhe Parandalimin e Sëmundjeve (CDC), njoftoi zbulimin e një bakteri të pazakontë që shkakton melioidozë, të identifikuar në Shtetet e Bashkuara (SHBA) për herë të parë.
Melioidoza është një sëmundje e rrallë e shkaktuar nga Burkholderia pseudomallei . Këto baktere u identifikuan në mostrat e tokës nga Bregu i Gjirit të Misisipit.
Hetimi u krye për shkak se dy individë me melioidozë – të dy në Bregun e Gjirit – u sëmurën me dy vjet diferencë. Mostrat e tokës të mbledhura rreth shtëpive të pacientëve rezultuan pozitive për bakteret.
Kjo tregon se bakteret nga mjedisi ishin burimi i mundshëm i infeksionit për të dy individët dhe se bakteret kanë qenë të pranishme që nga viti 2020.
Shumica e njerëzve të shëndetshëm që vijnë në kontakt me Burkholderia pseudomallei nuk zhvillojnë kurrë melioidozë. Individët që jetojnë në Bregun e Gjirit, të cilët kanë sëmundje kronike si diabeti, sëmundjet kronike të veshkave, sëmundjet kronike të mushkërive ose përdorimi i tepërt i alkoolit mund të jenë në rrezik të sëmundjes së rëndë nga infeksioni dhe duhet të marrin masa paraprake për t’u mbrojtur.
LEXONI GJITHASHTU: