Presidenti i Ukrainës, Volodimir Zelenski ka shkarkuar këtë të premte ambasadorët ukrainas në disa shtete të botës.

Sipas një njoftimi në faqen zyrtare të presidencës ukrainase, bëhet me dije se janë shkarkuar ambasadorët në Gjermani, Indi, Republikën Çeke, Norvegji dhe Hungari.

Në deklaratë nuk është dhënë asnjë shpjegim për arsyet e këtij veprimi dhe nuk dihet nëse diplomatët do të marrin poste të reja, shkruan Reuters.

Marrëdhëniet e Ukrainës me Gjermaninë janë të tensionuara, për shkak se kjo e fundit është e varur nga Rusia për sa i përket furnizimit me energji.

Zelenski u ka kërkuar vazhdimisht diplomatëve të kërkojnë ndihmë ushtarake dhe ndërkombëtarë në ndihmë të Ukrainës.

LEXONI GJITHASHTU

• Rusia nuk do të tërhiqet nga Ukraina Jugore, thotë diplomati rus
• CIA paralajmëroi pushtimin e Ukrainës nga Rusia, thotë Biden
• Putin ultimatum Ukrainës: Pranoni kushtet tona, ose përgatituni për më të keqen