Euronews Albania ka siguruar listën me 4 emrat që i janë dorëzuar kryeministrit Edi Rama për postin e ri të Drejtorit të Përgjithshëm të Policisë. Në listën përfundimtare, të cilën ministri i Brendshëm, Ervin Hoxha, i ka dorëzuar kryeministrit, renditen emrat më të kuotuar nga konkursi.

Gazetarja e Euronews Albania, Sara Demushi, zbuloi se 4 kandidatët, nga të cilët kryeministri pritet të zgjedhë kryepolicin e ri, janë: Ilir Proda, Skënder Hitaj, Neritan Nallbati dhe Altin Mena.

“Emrat i kanë shkuar kryeministrit. Burime konfidenciale bëjnë me dije se bëhet fjalë për 4 kandidatë që kanë marrë pikëzimin më të lartë. Emrat që i janë paraqitur kryeministrit janë Ilir Proda, Skënder Hitaj, Neritan Nallbati dhe Altin Mena,” tha gazetarja Sara Demushi.

Ky proces vjen si rezultat i dorëheqjes së ish-drejtorit Muhamet Rrumbullaku dhe rregullave të reja që kërkojnë një konkurs për përzgjedhjen e kryepolicit të ri.

Kush janë 4 kandidatët:

1. Skënder Hitaj, aktualisht Drejtor i Policisë së Durrësit.
2. Ilir Proda, Drejtor i Policisë së Elbasanit.
3. Altin Mena, Zëvendësdrejtor në Drejtorinë Vendore të Policisë në Lezhë.
4. Neritan Nallbati, mban detyrën e Drejtorit të Departamentit për Policinë Kriminale në Drejtorinë e Përgjithshme të Policisë së Shtetit që nga 1 gushti 2022.

LEXONI GJITHASHTU:

• Zbardhen emrat e kandidatëve për Drejtor të Përgjithshëm të Policisë së Shtetit
• Shpallet në kërkim kandidati për Drejtor i Përgjithshëm i Policisë