Elenita Roshi është emëruar drejtuesja e re e Muzeut Historik Kombëtar, e cila për plot 20 vite është angazhuar në menaxhimin e trashëgimisë kulturore, turizmit dhe zhvillimit ekonomiko-shoqëror.
Roshi ka punuar në projekte të rëndësishme me organizata ndërkombëtare, duke u fokusuar në ruajtjen dhe promovimin e trashëgimisë kulturore, veçanërisht në Butrint dhe Gjirokastër. Me një doktoraturë në marketingun e trashëgimisë kulturore dhe një bursë Humphrey/Fulbright nga Universiteti Cornell në SHBA, ajo sjell një kombinim të pasur të ekspertizës akademike dhe përvojës praktike.
Si pedagoge e jashtme në Universitetin Politeknik të Tiranës, Roshi ka kontribuar gjithashtu në formimin e brezave të rinj në fushën e trashëgimisë kulturore.
Pasioni dhe vizioni i saj për të shndërruar Muzeun Historik Kombëtar në një qendër bashkëkohore edukimi, frymëzimi dhe dialogu, pritet të japin një drejtim të ri dhe transformues për këtë institucion të rëndësishëm.
LEXONI GJITHASHTU:
- Të huajt zgjedhin Korçën, të interesuar për historinë, kulturën dhe vallet shqiptare
- Restaurohet Muzeu Kombëtar | Ambasadorja e BE: Po punojmë edhe në 11 bashki të tjera
