Një qendër tregtare në Pejë të Kosovës është përfshirë nga flakët masive mëngjesin e kësaj të shtune.

Zjarri përfshiu qendrën tregtare, ndërkohë që shtullungat e zeza të tymit mbuluan të gjithë zonën.

Nuk dihen ende shkaqet e rënies së zjarrit. Forcat zjarrfikëse kanë shkuar me urgjencë në vendngjarje dhe kanë bërë të mundur neutralizimin e flakëve.

Spitali i Përgjithshëm i Pejës bën me dije se si pasojë e flakëve janë lënduar 8 persona, të cilët janë jashtë rrezikut për jetën.

“Pacientët janë duke u trajtuar tek spitali ynë dhe gjendja e tyre është stabile, jashtë rrezikut për jetë. Ata janë raste kryesisht të helmuar nga tymi”, thuhet në njoftimin zyrtar të Spitalit të Përgjithshëm të Pejës