Publikohen imazhet satelitore, pasojat e sulmit ndaj kompleksit të gazit Ras Laffan në Katar

Janë publikuar imazhet e para satelitore që tregojnë pasojat e sulmit ndaj Ras Laffan, kompleksit më të madh në botë për gazin dhe përpunimin e kondensatit, i vendosur në Katar.

Raportimet ndërkombëtare thonë se Irani sulmoi me raketa balistike këtë impiant strategjik, i cili prodhon një pjesë të konsiderueshme të gazit natyror të lëngëzuar. Një raketë arriti të godasë impiantin, ndërsa pjesa tjetër u neutralizuan nga sistemet e mbrojtjes ajrore. Pasojat përfshinë flakë dhe dëme të konsiderueshme, ndërsa ekipet e emergjencës po punojnë në vendin e ngjarjes.

Pas kësaj Ministria e Jashtme e Katarit u ka urdhëruar atasheve ushtarakë dhe të sigurisë të Iranit, së bashku me stafin e tyre, të largohen nga vendi. Ata që quhen “persona no grata” nga Katari kanë 24 orë kohë për t’u larguar nga vendi, thotë ministria e jashtme, duke thënë se kjo vjen pas sulmeve të përsëritura iraniane. Në një deklaratë të postuar në mediat sociale, thuhet se nëse Irani vazhdon veprimet “armiqësore”, atëherë Katari do të duhet të marrë masa shtesë për të mbrojtur veten.