OKB: Haiti po përballet me katastrofë humanitare

Kombet e Bashkuara janë duke paralajmëruar që uria në një prej lagjeve më të mëdha të Haitit, është në nivele katastrofike dhe se dhuna e bandave është duke përkeqësuar edhe më shumë situatën.

Rreth 20 mijë banorë në rajonin Cite Soleil të kryeqytetit të Haitit, kanë shumë pak qasje në ushqim dhe mund të përballen me uri të skajshme, kanë thënë Kombet e Bashkuara.

Në gjithë Haitin është thënë se pesë milionë njerëz janë duke u përballur me kequshqyerje, shkruan Radio Evropa e Lirë.

Ky shtet – më i varfri në kontinentin amerikan – është duke u përballur me krizë të rëndë politike, ekonomike, shëndetësore dhe atë të sigurisë, çka ka ndikuar në paralizim të sistemit.

LEXONI GJITHASHTU:

• OKB rezolutë kundër aneksimit, ambasadori rus: Jeni të shurdhër
• Asambleja e Përgjithshme e OKB-së dënon aneksimin e territoreve ukrainase nga Rusia
• Kolera godet sërish Haitin, të paktën 7 viktima