Rrëshqitjet e dheut, pista e Aeroportit të Nju Jorkut e mbyllur për të tretën ditë! Dhjetëra fluturime të anuluara

Një nga pistat në Aeroportin LaGuardia të Nju Jorkut do të mbetet e mbyllur të paktën deri të shtunën në mëngjes, pasi ekipet zbuluan një vrimë të madhe të shkaktuar nga fundosja e tokës të mërkurën.

Si rezultat, priten vonesa të fluturimeve, sipas administratës së aeroportit. Autoritetet kompetente informuan se ekipet që kryenin një inspektim rutinë të pistës së aeroportit të mërkurën zbuluan një vrimë të madhe që ishte hapur në njërën nga pistat dhe aktivizuan protokollin e sigurisë.

Pista në fjalë u mbyll dhe ekipe speciale nxituan në vendngjarje për punimet e nevojshme të restaurimit. Inspektimet me radar që depërtojnë në tokë zbuluan probleme të tjera të mundshme në të njëjtën pistë, duke i shtyrë ekipet të vazhdojnë me punën e planifikuar.

Rreth 150 fluturime u vonuan sot. Qindra fluturime janë anuluar ose vonuar që nga e mërkura për shkak të reshjeve.