Afrika e Jugut refuzon të konfiskojë superjahtin e oligarkut rus të sanksionuar

Autoritetet në Afrikën e Jugut njoftuan se do të lejojnë një superjaht të një oligarku të sanksionuar rus, që të ankorohet në Kejp Taun.

Anija luksoze, e cila ka një vlerë prej  521 milionë dollarësh, i përket Alexei Mordashov, aleat i presidentit rus, Vladimir Putin.

Për këtë vendim të qeverisë së Afrikës së Jugut, ka pasur reagime edhe nga opozita vendase, ku është bërë thirrje që të konfiskohet anija e quajtur Nord.

“Afrika e Jugut nuk ka asnjë obligim ligjor që t’iu përmbahet sanksioneve të vendosura nga Shtetet e Bashkuara dhe Bashkimi Evropian”, u shpreh zëdhënësi Vincent Magwenya.

“Obligimet e Afrikës së Jugut, sa i përket respektimit të sanksioneve, lidhen vetëm me ato sanksione të miratuara nga Kombet e Bashkuara”, shtoi Magwenya, duke theksuar se Mordashov nuk është subjekt i sanksioneve të OKB-së.

LEXONI GJITHASHTU:

• Elon Musk planifikon të finalizojë blerjen e Twitter deri të premten
• Nis studimi historik i UFO-ve teksa NASA has ‘fenomene ajrore të paidentifikuara’
• Tërmet i fuqishëm në Filipine