Aksioni në Venezuelë, Meloni: Italia nuk e ka njohur kurrë fitoren e vetëshpallur të Maduros

Kryeministrja e Italisë, Giorgia Meloni, ka reaguar në platformën X për aksionin që forcat amerikane zhvilluan këtë të shtunë në Venezuelë, ku u arrestua presidenti i saj, Nicolas Maduro, dhe bashkëshortja e tij për një sërë akuzash.

Në postimin e saj, Meloni thekson se Italia nuk e ka njohur kurrë fitore të vetëshpallur zgjedhore të Maduros, duke dënuar aktet e represionit të regjimit.

“Kam ndjekur zhvillimet në Venezuelë që nga fazat e para. Italia, së bashku me partnerët kryesorë ndërkombëtarë, nuk e ka njohur kurrë fitoren e vetëshpallur zgjedhore të Maduros, duke dënuar aktet e represionit të regjimit dhe gjithmonë ka mbështetur aspiratën e popullit venezuelian për një tranzicion demokratik. Në përputhje me qëndrimin historik të Italisë, Qeveria konsideron se një veprim ushtarak i jashtëm nuk është rruga që duhet ndjekur për të vënë fund regjimeve totalitare, por njëkohësisht e konsideron të ligjshëm një ndërhyrje me natyrë mbrojtëse kundër sulmeve hibride ndaj sigurisë së saj, siç është rasti i entiteteve shtetërore që ushqejnë dhe favorizojnë trafikimin e drogës.Ne vazhdojmë të ndjekim me vëmendje të veçantë situatën e komunitetit italian në Venezuelë, siguria e të cilit mbetet prioriteti absolut i Qeverisë”, ka shkruar Meloni.