“Ata prodhojnë kokainë dhe e dërgojnë në SHBA“, Trump paralajmëron presidentin kolumbian: Duhet të kujdeset për veten

Presidenti i SHBA-së, Donald Trump, e paralajmëroi sot presidentin kolumbian Gustavo Petro, duke i thënë se “duhet të kujdeset për veten”.

“Ata po prodhojnë kokainë dhe po e dërgojnë atë në Shtetet e Bashkuara, kështu që duhet të jenë vigjilentë”, tha Trump, sipas Sky Neës.

Më herët gjatë ditës së sotme, presidenti kolumbian Gustavo Petro bëri thirrje për një takim urgjent të Këshillit të Sigurimit të Kombeve të Bashkuara për të diskutuar situatën aktuale në Venezuelë, pas sulmit nga forcat amerikane.

“Si anëtare e Kombeve të Bashkuara, Kolumbia inkurajon mbledhjen urgjente të Këshillit të Sigurimit të OKB-së për të shqyrtuar situatën”, shkroi Petro në platformën X.

Ai tha se Qeveria e Kolumbisë kundërshton me vendosmëri çdo formë agresioni kundër sovranitetit të Venezuelës dhe Amerikës Latine dhe shtoi se konfliktet e brendshme të kombeve “duhet të zgjidhen nga vetë kombet, në mënyrë paqësore”.

Gjithashtu, Petro deklaroi se ka viktima civile në Venezuelë pas sulmeve amerikane, duke pretenduar se ka prova për viktima civile.

Petro postoi një video në rrjetin social X që, sipas tij, tregon pasojat e sulmit.