Bllokohen 6 anije me ton gaz natyror të lëngshëm në Ngushticën e Hormuzit

Gjashtë anije indiane , që transportonin rreth 300,000 ton gaz natyror të lëngshëm (LNG) nga Lindja e Mesme, janë bllokuar në hyrje të Ngushticës së Hormuzit, sipas Ministrisë së Porteve, Transportit Detar dhe Rrugëve Ujore të Indisë.

Në total, 22 anije indiane që transportojnë naftë, LNG, kimikate dhe produkte të tjera të naftës kanë mbetur të bllokuara në këtë zonë strategjike. Situata vjen në sfondin e tensioneve të rritura mes Izrael, Shtetet e Bashkuara dhe Iran.

Megjithatë, disa dërgesa kanë arritur të mbërrijnë në Indi, përfshirë rreth 98,000 ton LNG dhe mbi 80,000 ton naftë nga Emiratet e Bashkuara Arabe, të transportuara përmes së njëjtës ngushticë nga dy anije.

Zyrtarë të Ministrisë së Naftës dhe Gazit Natyror kanë shprehur shqetësim për furnizimet me LNG, duke paralajmëruar për ndërprerje të mundshme. Qeveria u ka bërë thirrje kompanive të kërkojnë burime alternative energjie, ndërsa theksohet se vendi ka rezerva të mjaftueshme nafte dhe rafineritë po operojnë me kapacitet të plotë.

Ndërkohë, Marina Indiane ka dërguar tre anije në Detin Arabik dhe në zonën e Ngushticës së Hormuzit për të shoqëruar dhe mbrojtur anijet në segmentet më të rrezikuara të rrugës detare.