Presidenti i ekstremit të djathtë të Brazilit, Jair Bolsonaro, ka thyer heshtjen që kishte mbajtur që kur u mund në zgjedhjet presidenciale të së dielës.

Ai falënderoi votuesit që kishin votuar për të. Bolsonaro nuk e pranoi humbjen, por as e kundërshtoi rezultatin, siç mendohej se do tw bënte.

Shefi i tij i shtabit, Ciro Nogueira, foli pas deklaratës së shkurtër të Bolsonaros duke thënë se “procesi i tranzicionit” të pushtetit do të fillonte.

Bolsonaro tha se ai ka qëndruar gjithmonë brenda kornizës së kushtetutës dhe do të vazhdojë ta respektojë atë.

Ai nuk e përmendi fare Luiz Inácio Lula da Silva, rivalin që e mundi atë të dielën.

Në një referencë të dukshme për qindra postblloqe që mbështetësit e tij kanë ngritur në të gjithë vendin, ai tha se “demonstratat paqësore” do të ishin gjithmonë të mirëpritura.

Kreu i Gjykatës së Lartë të Brazilit, Alexandre de Moraes, kishte thënë më herët të martën se kishte “një rrezik për sigurinë kombëtare” dhe urdhëroi që rrugët të pastroheshin.

LEXONI GJITHASHTU:

• Mbështetësit e Bolsonaros bllokojnë rrugët pas humbjes në zgjedhje
• Brazilianët zgjedhin presidentin, Lula kundër Bolsonaro, gara më e ashpër në histori