Polonia dëshiron të përfshijë Izraelin në procesin e negociatave me qeverinë gjermane për pagesën për humbjet dhe dëmet e shkaktuara gjatë Luftës së Dytë Botërore.

Lajmi është bërë i ditur nga kryeministri polak, Mateusz Morawiecki, shkruan Euronews Serbia.

“Ne duam të zhvillojmë bisedime në Berlin dhe gjithashtu të ftojmë përfaqësues të Izraelit. Në fund të fundit, gjysma e viktimave nga Polonia ishin qytetarë me origjinë hebreje,” tha Morawiecki.

Morawiecki nuk përjashtoi mundësinë që Polonia mund t’i drejtohet gjykatave ndërkombëtare për këtë çështje.

Në fillim të muajit, qeveria e Polonisë tha se do t’i kërkonte Gjermanisë një dëmshpërblim prej 1,3 trilionë euro për shkak të humbjeve të Luftës së Dytë Botërore nën pushtimin nazist.

Shuma u njoftua në publikimin e një raporti mbi koston e viteve të pushtimit nazist gjerman. Rreth 30 historianë, ekonomistë dhe ekspertë të tjerë kanë punuar për dokumentin që nga viti 2017.

LEXONI GJITHASHTU

• Polonia i kërkon Gjermanisë 1,3 trilionë euro dëmshpërblim për dëmet e luftës
• Polonia dhe Republika Çeke, marrëveshje për mbrojtjen e hapësirës ajrore sllovake