”Dialogu diplomatik s’është ultimatum”, ministri rus Lavrov: Sanksionet e Perëndimit kundër historisë

“Sanksionet e vendosura nga Perëndimi shkojnë kundër trendit të historisë, por rrjedha e historisë nuk mund të ndalet”, ishte kjo deklarata e ministrit të Jashtëm rus, Sergei Lavrov në mesin e tensioneve me Brukselin dhe Washingtonim.

Në kundërpërgjigje ndaj sanksioneve të njëanshme të ndërmarra nga Shtetet e Bashkuara të Amerikës, Lavrov nënvizoi se SHBA dhe shtetet e Perëndimit kanë braktisur mirësjelljen tradicionale diplomatike dhe mënyrën sesi mund të zgjidhen çështjet e ndryshme.

Sanksionet e fundit sipas diplomatit rus janë bërë rezervë e tregtisë së tyre në çështjet ndërkombëtare, duke nënvizuar se Perëndimi duhet ta ketë të qartë se nuk është një lëvizje e zgjuar të vendosësh sanksione ndaj Rusisë dhe Kinës.

“Diplomacia ka të bëjë me marrëdhëniet midis vendeve, të cilat duhet të dëgjojnë njëri-tjetrin dhe të gjejnë një ekuilibër midis interesave të të gjitha palëve. Kjo është gjithashtu vlera kryesore e mbështetur nga politika e jashtme e Rusisë dhe Kinës. Kur dialogu diplomatik dhe politik bëhet një ‘ultimatum “që i detyron partnerët të pranojnë se janë të gabuar dhe të pranojnë kërkesat e imponuara ndaj tyre, kjo nuk është më diplomaci. Për fat të keq, kjo qasje është ngulitur në SHBA. Padyshim, sanksionet janë të padobishme. Për shembull, Bashkimi Evropian po ndjek gjithashtu një rrugë të ngjashme ndaj Rusisë, nën pretekste hipotetike”, u shpreh Sergei Lavrov, ministër i Jashtëm i Rusisë.

Ministri i Jashtëm rus gjatë këtyre dy ditëve viziton Kinën për të shënuar 20 vjetorin e nënshkrimit të Traktatit të Fqinjësisë së Mirë dhe Bashkëpunimit Kinë-Rusi.

Në një intervistë për mediat kineze diplomati rus u shpreh se raportet Moskë-Pekin janë më të mirat në histori duke e cilësuar Kinën një partner strategjik.