English

Gambia po heton vdekjen e 70 fëmijëve, dyshohet se humbën jetën nga shurupi i kollës

KOMENTE

SHPERNDAJE
ARTIKULLIN

Text sizeAa Aa

Qeveria e Gambias ka njoftuar se 70 fëmijë kanë vdekur nga dëmtimi akut i veshkave, i cili dyshohet se lidhet me shurupet e kollës të prodhuara në Indi, shkruan RTS.

- Advertisement -

Presidenti i Gambias, Adama Barrow, njoftoi në një takim urgjent të kabinetit se 70 fëmijë kishin vdekur, sipas deklaratës.

Është konstatuar se shurupet janë prodhuar nga kompania “Maiden Pharmaceuticals” nga Nju Delhi, e cila mbylli një nga fabrikat në veri të Indisë, pasi është edhe nën hetim nga autoritetet indiane.

Gambia dhe India po hetojnë vdekjen e fëmijëve dhe këtë javë u krijua një komision i ri hetimor për të shqyrtuar rastin, sipas deklaratës.

Organizata Botërore e Shëndetësisë tha se gjeti nivele “të papranueshme” të përbërësve potencialisht toksikë në katër nga produktet e kompanisë farmaceutike, raportoi Reuters.

Ndërkohë Indonezia ka ndaluar përbërësit që lidhen me vdekjen e 70 fëmijëve në Gambia, ndërsa po heton vdekjen e më shumë se 20 fëmijëve në kryeqytetin Xhakarta për shkak të dëmtimit të veshkave këtë vit.

Administrata e Ushqimit dhe Barnave e Indonezisë BPOM tha se po heton mundësinë që përbërësit, dietilen glikol dhe etilen glikol, mund të kenë kontaminuar materiale të tjera të përdorura si tretës.

BPOM tha se katër produktet e lidhura me vdekjet e Gambias nuk ishin të regjistruara në Indonezi, as ndonjë prej produkteve të tjera të kompanisë.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?