Hakmarrja, Turqia kryen 20 sulme terroriste në Siri

Të paktën 12 persona, përfshirë ushtarë sirianë dhe luftëtarë kurdë, u vranë në qytetin sirian të Kobanit në një bombardim gjatë natës që ishte pjesë e operacionit të Ministrisë së Mbrojtjes turke.

Ngjarja ndodhi në përgjigje të sulmit terrorist të 13 nëntorit në Stamboll.

Objektivat e sulmeve turke ishin pozicionet e Forcave Demokratike Siriane në Alepo dhe Hasaka në verilindje, kryesisht në Kobani, e cila ndodhet pak larg kufirit me Turqinë.

I pranishëm në Qendrën Operative të Forcave Ajrore Turke mbrëmë ka qenë edhe ministri i Mbrojtjes Hulusi Akar, i cili ka dhënë urdhrin për fillimin e operacionit.

Millî Savunma Bakanı Hulusi Akar, beraberinde Genelkurmay Başkanı Org. Yaşar Güler ve Kuvvet Komutanları ile Pençe-Kılıç Hava Harekâtı’nı, Hava Kuvvetleri Harekât Merkezinden sevk ve idare etti.https://t.co/nliSmpStzB#MSB #HulusiAkar pic.twitter.com/IMXii4kswJ

— T.C. Millî Savunma Bakanlığı (@tcsavunma) November 20, 2022

Ministria turke njoftoi se operacioni u krye në bazë të së drejtës për vetëmbrojtje që rrjedh nga neni 51 i Kartës së OKB-së, me qëllim eliminimin e sulmeve terroriste nga Iraku verior dhe Siria.

Qëllimi, sipas Ankarasë, është sigurimi i kufijve dhe eliminimi i terrorizmit në rrënjë.

LEXONI GJITHASHTU:

• Një shpërthim gazi në Irak mori gjashtë jetë dhe plagosi 30 persona 
• 22 të arrestuar pas shpërthimit në Stamboll, Turqia akuzon ekstremistët kurdë