Izraeli, vendi i parë që njeh Somalilandin si shtet sovran

Izraeli është bërë vendi i parë që njeh Somalilandin si shtet sovran, një përparim në përpjekjen e tij për njohje ndërkombëtare që kur shpalli pavarësinë nga Somalia 34 vjet më parë.

Ministri i Jashtëm izraelit, Gideon Sa’ar njoftoi të premten se Izraeli dhe Somalilandi kanë nënshkruar një marrëveshje për vendosjen e marrëdhënieve të plota diplomatike, e cila do të përfshinte hapjen e ambasadave dhe emërimin e ambasadorëve.

Njohja është një moment historik për Somalilandin, i cili shpalli pavarësinë e tij nga Somalia në vitin 1991, por deri më tani nuk ishte njohur nga asnjë shtet anëtar i OKB-së. Somalilandi kontrollon skajin veriperëndimor të Somalisë, ku vepron si shtet de facto, dhe kufizohet nga Xhibuti në veriperëndim dhe Etiopia në perëndim dhe jug.

Zyra e kryeministrit postoi një video të Benjamin Netanyahut duke folur nëpërmjet një videokonference me presidentin e Somalilandit, Abdirahman Mohamed Abdullahi. Netanyahu e ftoi atë të vizitonte Izraelin dhe e përshkroi miqësinë midis dy vendeve si historike.

Lëvizja e Izraelit u dënua nga Egjipti dhe Turqia, të cilat thanë se përpjekjet e Izraelit për të bërë gjithçka për të parandaluar njohjen e një shteti palestinez, përbën ndërhyrje të hapur në punët e brendshme të Somalisë.