Kreu i Shtabit të Përbashkët: Forcat amerikane do të qëndrojnë në Venezuelë, po mbrojnë interesat tona

Forcat amerikane do të qëndrojnë në rajon pas sulmeve të mëdha ndaj Venezuelës dhe kapjes së presidentit Nicolás Maduro gjatë natës, tha gjenerali Dan Caine, kreu i Shtabit të Përbashkët.

Sipas tij forcat do të jenë në në një gjendje të lartë gatishmërie, të përgatitura për të ruajtur rajonin.

“Ndërsa qëndrojmë këtu, forcat tona mbeten në rajon në një gjendje të lartë gatishmërie, të përgatitura për të shfaqur forcën, për të mbrojtur veten dhe interesat tona në rajon,” tha ai gjatë një konference për shtyp me presidentit Donald Trump në Florida.

Caine e quajti operacionin amerikan një “dëshmi për përkushtimin dhe angazhimin e palëkundur ndaj drejtësisë dhe vendosmërinë tonë për të mbajtur përgjegjës ata që kërcënojnë paqen dhe stabilitetin,” duke falënderuar ata që kryen misionin.