Kryebashkiaku i Nju Jorkut kundër Trump: Arrestimi i Maduros, në shkelje të ligjit ndërkombëtar

Kryebashkiaku i Nju Jorkut, Zohran Mamdani, tha të shtunën se i telefonoi Presidentit Donald Trump për të shprehur kundërshtimin e tij ndaj kapjes së udhëheqësit venezuelian Nicolás Maduro dhe gruas së tij.

“E telefonova presidentin dhe fola drejtpërdrejt me të për të shprehur kundërshtimin tim ndaj këtij akti dhe për ta bërë të qartë se ishte një kundërshtim i bazuar në kundërshtimin e një përpjekjeje për ndryshim regjimi, ndaj shkeljes së ligjit federal dhe ndërkombëtar”, u tha Mamdani gazetarëve gjatë një konference për shtyp në Brooklyn.

‘E shpreha kundërshtimin tim. E bëra të qartë dhe e lamë me kaq’, tha Mamdani.

Më herët të shtunën, Mamdani tha se besonte që operacioni amerikan për të kapur Maduron dhe gruan e tij ishte një krim lufte dhe se shkelte ligjin federal dhe ndërkombëtar.

Maduro pritet të mbahet në paraburgim federal në New York City, ku ai përballet me akuza federale.

Mamdani, i cili është tre ditë në mandatin e tij të ri, tha se ishte informuar nga zëvendëskryetari i tij i parë i bashkisë dhe Komisionerja e Policisë së Qytetit të Nju Jorkut, Jessica Tisch, pas kapjes së Maduros. Ai nuk dha informacione shtesë në lidhje me mbërritjen e Maduros, por tha se po punonte për të siguruar që të kishte ndërprerje minimale për banorët e Nju Jorkut.