Kryeministri Rama përballë Neritan Sejaminit në “Me Pak Fjalë”

Kryeministri, Edi Rama në intervistë me gazetarin Neritan Sejamini në emisionin “Me pak fjalë” do të flasë për politikën dhe ekonominë.

Katër fushata si kryetar i Bashkisë së Tiranës dhe fushata e katërt si kryetar i Partisë Socialiste, kryeministri Rama e cilëson fushatën për 25 prillin më të vështirën dhe më të veçantën.

Kryeministri Edi Rama ka sqaruar në emisionin “Me pak Fjalë” në Euronews Albania qëndrimin e tij në lidhje me diktaturën komuniste dhe debati që nxiti deklarata e kandidates për deputete Luljeta Bozo.

Lexoni gjithashtu: Edi Rama sqaron në Euronews Albania qëndrimin e kandidates Luljeta Bozo për diktaturën

Partia Socialiste beson se pas 25 prillit do të formojë e vetme qeverinë e re. Kryeministri Rama thekson se nuk sheh forca të ndërmjetme në këto zgjedhje, pasi sipas Ramës të gjitha partitë janë bërë bashkë për të larguar Partinë Socialiste nga qeveria.

Lexoni gjithashtu: Koalicionet paszgjedhore, Rama: Partitë janë bërë të gjitha bashkë kundër PS

Kryeministri Edi Rama tha në emisionin “Me pak Fjalë” në Euronews Albania se investimet e huaja janë rritur në Shqipëri, pavarësisht se disa kompani kanë ndërruar zotërues vitet e fundit.

Lexoni gjithashtu: Rama dhe Sejamini debatojnë për largimin e investitorëve të huaj nga Shqipëria

Kryeministri Rama tha se qeveria ka investuar në shumë rrugë të cilat ishin lënë përgjysmë nga qeveria e ish-kryeministrit Berisha. Ai shtoi se është investuar edhe në rrugën e Kombit plus pjesës që ishte përfunduar deri në vitin 2013.

Lexoni gjithashtu: ‘Shumë borxhe, pak rrugë’, Sejamini pyet kryeministrin Rama pse e ka shtrënguar dorën tek infrastruktura

Kryeministri i vendit, tha se Shqipëria dhe Kosova kanë intensifikuar bashkëpunimet e tyre në disa sektorë, por pavarësisht kësaj, ai mendon se duhet bërë më shumë. Sipas kryeministrit, të dyja vendet kanë hapësira të shumta, për të bashkëpunuar për zhvillimin e ekonomisë së tyre.

Lexoni gjithashtu: Treg i përbashkët Shqipëri-Kosovë? Kryeministri Rama thotë se anon nga bashkëpunimi rajonal