Ministri ukrainas thotë se Rusia po planifikon ofensivë më 24 shkurt

Ministri ukrainas i Mbrojtjes, Oleksii Reznikov, tha se Rusia po përgatit një ofensivë të madhe dhe paralajmëroi se ajo mund të fillojë më 24 shkurt.

Ai tha se Moska kishte grumbulluar mijëra trupa dhe se mund të “provojë diçka” për të shënuar përvjetorin e pushtimit, që nisi në shkurt të vitit të kaluar.

Javën e kaluar, Shtetet e Bashkuara të Amerikës dhe Gjermania kanë bërë të ditur se do të dërgojnë tanket Abrams, respektivisht Leopard, në Ukrainë.

Ukraina ka thënë se këto tanke do t’i ndihmojnë që të përballet me ndonjë ofensivë potenciale të Rusisë në pranverë.

Zelensky ka thënë se shtetit të tij do t’i duhen të paktën 300 tanke Leopard për të mposhtur Rusinë.

Shumë shtete evropiane kanë tanke Leopard 2 në inventarët e tyre, dhe vendimi gjerman nënkupton se disa shtete mund të bëjnë dërgesa në Ukrainë.

Gjermania shpreson se rreth 90 tanke të tilla do të dërgohen në fushëbetejë.

LEXONI GJITHASHTU:

• Ukraina meriton të bashkohet me NATO-n, thotë udhëheqësi i ri çek
• “Sot në Evropë, nesër në Azi”, Stoltenberg paralajmëron rrezikun e skenarit ukrainas