Misteri pas ngordhjes së mijëra peshqve në Poloni

Zyrtarët në Poloni dhe Gjermani po përpiqen të zbulojnë shkakun e një ngordhjeje masive të peshkut përgjatë lumit Oder, i cili kalon midis dy vendeve.

Mijëra peshq të ngordhur janë shfaqur përgjatë qindra kilometrave të lumit që nga fundi i muajit të kaluar, shkruan BBC.

Mendohet se një substancë toksike ka hyrë në ujë, megjithëse kimikati i saktë mbetet i panjohur pavarësisht testeve.

Njerëzve u është thënë të shmangin lumin mes paralajmërimeve për një katastrofë mjedisore nga qeveria gjermane.

Por autoritetet në të dy vendet janë akuzuar nga aktivistët se nuk kanë punuar së bashku për t’iu përgjigjur shpejt katastrofës dhe për të mbrojtur njerëzit.

Të premten, kryeministri polak Mateusz Moraëiecki shkarkoi një palë zyrtarë mjedisorë për trajtimin e incidentit nga ana e tyre.

Ai shpjegoi se problemi fillimisht ishte supozuar të ishte “lokal”, por më vonë u zbulua se ishte “shumë i madh” në shkallë.

Lumi mund të marrë “vite” për t’u rikuperuar, shtoi ai.

Morawiecki sugjeroi se “sasi të mëdha mbetjesh kimike” ishin hedhur në rrugë ujore, pa marrë parasysh rreziqet për jetën e egër.

Ministrja Gjermane e Mjedisit Steffi Lemke bëri thirrje për një hetim gjithëpërfshirës të incidentit, duke thënë se autoritetet po punonin rreptësisht për të gjetur shkakun.

Në përgjithësi, Oder është konsideruar si një lum i pastër, i cili shërben si shtëpi për 40 lloje peshqish, raporton agjencia e lajmeve AFP.

Një zyrtar në shtetin lindor të Brandenburgut të Gjermanisë tha se rezultatet e testit po tregonin nivele të rritura të oksigjenit në ujë, duke lënë të kuptohet për praninë e një substance të huaj.

LEXONI GJITHASHTU:

• Polonia vendos 140 kilometra gardh në kufi me Bjellorusinë
• Ukraina dhe Polonia vendosin kontroll të përbashkët në pikën kufitare doganore