Mozaiku i rrallë 1600-vjeçar gjendet i paprekur në Siri

Një mozaik 1600-vjeçar i periudhës romake është zbuluar praktikisht i paprekur në Sirinë qendrore.

Mozaiku me përmasa 20 x 6 m u gjet nën një ndërtesë në Rastan afër Homsit, e cila u mbajt nga rebelët në luftën civile deri në vitin 2018, shkruan BBC.

Mozaiku që shfaq skena mitike duke përfshirë luftërat e Trojanit dhe Amazonës, thuhet se është më e rralla e këtij lloji.

Shumë nga thesaret arkeologjike të Sirisë janë dëmtuar pas më shumë se një dekade lufte.

Por gjetja e fundit po përshkruhet si zbulimi më i rëndësishëm arkeologjik që nga fillimi i konfliktit në 2011.

“Ajo që është para nesh është një zbulim që i rrallë në shkallë globale”, tha për Associated Press Hamman Saad, një zyrtar i lartë në Drejtorinë e Përgjithshme të Muzeve dhe Antikiteteve të Sirisë.

Ai shtoi se mozaiku ishte i pasur në detaje, duke portretizuar perëndinë romake të detit Neptun dhe 40 të dashurat e tij, si dhe Herkulin që vrau mbretëreshën e Amazonës Hipolita.

Rastan ishte një bastion i rebelëve dhe skenë luftimesh intensive derisa u mor nga forcat qeveritare siriane në vitin 2018.

LEXONI GJITHASHTU:

• Një insekt i ri zbulohet në Serbi, ka emrin e sportistit të famshëm
• Zbulohet vendbanim 9 mijë vjeçar në Turqi