Ndërron jetë legjenda e futbollit italian

Legjenda e futbollit italian dhe Chelsea-t, Gianluca Vialli ka ndërruar jetë në moshën 58-vjeçare, pesë vite pasi ai u diagnostikua për herë të parë me kancer pankreatik.

Vialli shënoi 40 gola në 88 paraqitje për Blutë e Londrës ndërmjet viteve 1996 dhe 1999 përpara se të vazhdonte të drejtonte klubin e Stamford Bridge, duke fituar tre trofe të mëdhenj.

Ish-sulmuesi i Sampdorias dhe Juventusit luajti 59 paraqitje për Italinë si futbollist, ndërkohë që ishte pjesë e stafit të trajnerit Roberto Mancini në suksesin e italianëve në Kampionatin Evropian.