Polonia dhe Republika Çeke, marrëveshje për mbrojtjen e hapësirës ajrore sllovake 

Polonia dhe Republika Çeke nënshkruan të shtunën një marrëveshje në një bazë ajrore sllovake për të mbrojtur hapësirën ajrore, pasi Sllovakia hoqi dorë nga avioni i vjetër sovjetik MiG-29, të cilin do t’ia dhurojë Ukrainës, raportoi Associated Press (AP).

Mbrojtja duhet të zgjasë derisa Sllovakia të marrë avionë të rinj F-16 nga Shtetet e Bashkuara, që priten në vitin 2024. Marrëveshja u nënshkrua në bazën e Forcave Ajrore Sllovake nga ministrat polakë të Mbrojtjes Mariusz Blascak, Jana Cernocova nga Republika Çeke dhe Jaroslav Nad nga Sllovakia.

Sllovakia ka një flotë prej 11 MiG-29 dhe muajin e kaluar Nad tha se Sllovakia mund të konsiderojë dhurimin e tyre në Ukrainë.

Që nga fillimi i pushtimit rus më 24 shkurt, Ukraina u ka bërë thirrje aleatëve perëndimorë që t’i ofrojnë avionë luftarakë që të përputhen me epërsinë ajrore të Rusisë.

LEXONI GJITHASHTU:

• Misteri i ngordhjes masive të peshqve në Poloni, zbulohen detaje të reja