Rishfaqja e coronavirus në Kinë ngjall shqetësime për një valë të dytë

Të hënën, Kina raportoi 36 raste të reja në Pekin, teksa autoritetet nxituan menjëherë testimin e mijëra qytetarëve që dyshohet se kanë qenë në tregun ushqimor, aty ku dhe u rishfaq virusi.

Numri i rasteve të regjistruara në Kinë gjatë ditëve të fundit është më i lartë se ato në dy muajt e fundit.

Bursat e Parisit, Londrës, Tokios dhe Shangait kanë rënë ndjeshëm gjatë së hënës pas frikës së një vale të dytë infektimesh nga COVID-19. Numri i të infektuarve vazhdon të njohë rritje dhe pa pasur ende një vaksinë, risku i lehtësimit të masave dhe heqja e kufizimeve për udhëtimet mund të rikthejë shifrat e larta.  

Duket se vatra e re ka filluar në tregun “Xinfadi”, tregu ushqimor më i madh në Pekin.  

Pekini ka mbyllur tregun dhe i ka bërë thirrje personave që kanë qenë aty që të vetizolohen për dy javë. Po ashtu edhe lagjet afër asaj zone janë mbyllur ndërkohë që janë kryer 76 mijë teste.

Rihapje e kujdesshme

Në botë janë rrëth 8 milionë raste të konfirmuara me COVID-19, ndërsa mbi 433 mijë persona kanë humbur jetën si pasojë e virusit, sipas përllogaritjeve nga Universiteti John Hopkins.

Të hënën, Ministria e Shëndetësisë raportoi një rritje prej 11 mijë rastesh të reja për të tretën ditë radhazi.

Në Shtetet e Bashkuara vazhdojnë rastet e reja në mbi gjysmën e shteteve. Guvernatori i Nju Jorkut Andrew Cuomo ka kërcënuar se do të rikthejë masat e ashpra aty ku pushtetet vendore nuk arrijnë të vejnë në zbatim rregullat e distancimit social.

Lexoni gjithashtu

Pekini mbyll tregun më të madh ushqimor në vend pas zbulimit të rasteve të reja me COVID-19

Situata e COVID-19 në RMV nuk njeh përmirësim, 9 viktima e 162 të infektuar

Viktimat nga coronavirus, Brazili renditet në vend të dytë pas SHBA