Rusia shënon një tjetër rekord ditor për vdekjet nga COVID

Vdekjet nga koronavirusi në Rusi shënuan një tjetër rekord ditor të martën.

Task-forca shtetërore e Rusisë për koronavirusin raportoi 39.008 raste të reja të konfirmuara dhe 1.178 vdekje nga COVID-19. Task Forca ka raportuar infeksione rekord ditore ose vdekje pothuajse çdo ditë për muajin e fundit.

Për të reduktuar përhapjen e koronavirusit, presidenti rus Vladimir Putin urdhëroi një periudhë pushimi pune mbarëkombëtare nga data 30 tetor deri më 7 nëntor.

Putin tha se qeveritë në rajonet ku situata është më e rëndë mund të shtojnë periudhën e pushimit, nëse është e nevojshme.

Rritja javore e Rusisë e infeksioneve dhe vdekjeve vjen mes niveleve të ulëta të vaksinimit dhe hezitimit nga ana e qeverisë për të ashpërsuar kufizimet.

Më pak se 35% e afro 146 milionë njerëzve të Rusisë janë vaksinuar plotësisht deri më tani, edhe pse Rusia miratoi një vaksinë të prodhuar brenda vendit kundër koronavirusit disa muaj përpara shumicës së vendeve.

Në tërësi, task-forca shtetërore e koronavirusit të Rusisë ka raportuar gati 8.6 milionë raste të konfirmuara të koronavirusit dhe mbi 240.000 vdekje në pandemi.

LEXONI GJITHASHTU:

• Mbi 5 mijë emigrantë mbërritën në Gjermani gjatë tetorit, ishin nisur nga Bjellorusia
• ‘Të rritet siguria’, ish-menaxherja e Facebook kërkon largimin e Zuckerberg