Sfidat e kombëtares, Vata: Mënyra e grumbullimit e ekipit s’jep shpresë te të rinjtë

Ish-futbollisti i kombëtares, Rudi Vata në një intervistë për Euronews Albania foli për ndeshjet miqësore të Shqipërisë me Katarin, Arabinë Saudite dhe Italinë.

Ai tha se mënyra se si është grumbulluar ekipi nuk u jep shpresë të rinjve.

“Mënyra se si është grumbulluar ekipi kombëtar, mendoj se këto ndeshjet me Katarin, me Arabinë Saudite dolën në momentin e fundit dhe sigurisht që Shqipëria të shfrytëzoj këtë situatë.

Mënyra se si është bërë përzgjedhja e futbollistëve, mendoj se nuk sjell ndonjë ndryshim të madh në ndryshimin e brezave dhe shpresën që mund t’i ofrosh brezit të ri”- tha ai.

Më tej Vata theksoi se përveç ndeshjes me Italinë, me ndeshjet e tjera nuk kanë ndonjë përfitim.

“Përveç ndeshjes me Italinë, me të tjerat mund të kemi shumë pak përfitime në aspektin e rritjes dhe perspektivës te brezat e rinj që luajnë kampionatin shqiptar”- shtoi ai.

LEXONI GJITHASHTU: 

• Ndeshja Shqipëri-Izrael, Reja ndryshon skemën para “finales” (Formacionet zyrtare)
• Ndeshja Shqipëri-Islandë, policia tregon rrugët që bllokohen në kryeqytet