Një person ka sulmuar me thikë një prift në një kishë në qytetin e Nicës në Francë, të dielën.
Ministri i Brendshëm francez, Gerald Darmanin tha në llogarinë e tij në Twitter se jeta e priftit nuk është në rrezik dhe se policia ka arrestuar sulmuesin.
Sulmi ka ndodhur në ditën kur francezët votojnë në rundin e dytë të zgjedhjeve presidenciale.
Kryetari i qytetit të Nicës, Kristian Estrosi, është shprehur se sulmuesi ka probleme të shëndetit mendor, e se nuk ka pasur histori të kriminalitetit.
Estrosi shtoi se sulmuesi e ka blerë thikën pak ditë më herët.
Mediat lokale shkruajnë se sulmuesi është 31-vjeçar dhe nuk ka dyshime për lidhje terroriste.
Ligjvënësi lokal, Erik Ciotti ka thënë se edhe një murgeshë është plagosur në krah, teksa i ka marrë thikën sulmuesit.
LEXONI GJITHASHTU:
