Tajlanda i bashkohet shteteve që shtyjnë përdorimin e vaksinës AstraZeneca

Tajlanda ka vendosur të shtyjë përdorimin e vaksinës AstraZeneca, duke iu bashkuar kështu një sërë shtetesh europiane që kanë ndërmarrë një gjë të tillë si pasojë e raportimit të disa rasteve të mpiksjes së gjakut tek të vaksinuarit.

Danimarka, Norvegjia dhe Austria janë ndër shtetet europiane që kanë pezulluar përkohësisht përdorimin e vaksinës.

Autoritetet shëndetësore këmbëngulin se lëvizja është një “masë paraprake” pa një lidhje direkte midis vaksinës dhe rasteve  të mpiksjes së gjakut.

AstraZeneca mori dritën e gjelbës nga disa rregullatorë, përfshi këtu atë të Mbretërisë së Bashkuar, BE, dhe Organizatës Botërore të Shëndetësisë.

Profesor Yong Poovoraëan, këshilltar i programit të vaksinimeve në Tajlandë, tha se shtyrja nuk do të ketë një impakt të madh mbi planin e imunizimit të vendit.

Tajlanda nisi fushatën e vaksinimeve muajin e shkuar pas marrjes së 200 mijë dozave të vaksinës kineze Sinovac.