Trump: Kina mund të ndërmarrë veprime ushtarake në Tajvan kur në SHBA të jetë një president tjetër

Presidenti i SHBA-së Donald Trump ka komentuar deklaratat e homologut të tij kinez, Xi Jinping lidhur me Tajvanin. Trump në një intervistë me New York Times u shpreh se gjithçka varet nga Kina se çfarë do të bëjë në Tajvan.

I pyetur nëse beson se sulmi i SHBA-së ndaj Venezuelës krijon një “precedent” që Pekini mund të dëshirojë ta shfrytëzojë, Trump u përgjigj se Kina e konsideron Tajvanin pjesë të saj.

“Xi Jinping e konsideron Tajvanin pjesë të Kinës dhe varet nga ai se çfarë bën”, tha Trump.

Ai shtoi se ka kontaktuar me homologun e tij dhe i ka shprehur se nuk do të ishte i kënaqur nesë Kina do të kryente ndonjë veprim në Tajavan.

“Por e informova se do të isha shumë i pakënaqur nëse ai do ta bënte këtë dhe nuk mendoj se do ta bëjë. Shpresoj që të mos e bëjë”, shtoi ai.

Trump vlerësoi gjithashtu se Xi mund të ndërmarrë veprime ushtarake kundër Tajvanit por vetëm kur në Shtëpinë e Bardhë do të jetë një president tjetër.

“Nuk mendoj se ai do ta bëjë këtë me mua si president të SHBA-së”, tha ai.