Trump për kryeministrin britanik: Ai është në telashe për dy arsye…

Presidenti i SHBA-së, Donald Trump ka folur mbi politikat e kryeministrit të Mbretërisë së Bashkuar. Trump shprehet se kryeministri i Mbretërisë së Bashkuar, Keir Starmer, e ka gjetur veten “në telashe” për shkak të politikave të tij mbi energjinë dhe imigracionin:

“Ai është në telashe për dy arsye, energjinë dhe imigracionin. Ai është shumë i keq me energjinë. Ai duhet të hapë Detin e Veriut. Ai ka një minierë ari dhe duhet të hapë naftë në Detin e Veriut, dhe nuk e bën, tha ai.

Presidenti shton se Mbretëria e Bashkuar po paguan më shumë seç duhet për naftën norvegjeze.

“E dini që ata e blejnë naftën e tyre, shumicën e saj nga Norvegjia. Norvegjia e merr atë nga Deti i Veriut, një zonë jo aq e mirë sa Skocia dhe Mbretëria e Bashkuar, kështu që po i paguajnë Norvegjisë një pasuri për naftën që marrin nga Deti i Veriut.”