Valë sulmesh ajrore në Gaza ga ushtria izraelite, mbi 30 të vrarë

Rripi i Gazës është tronditur të shtunën nga një seri sulmesh ajrore izraelite, që sipas autoriteteve lokale kanë lënë të vrarë të paktën 31 persona, përfshirë gra dhe fëmijë. Një nga goditjet më të rënda ka prekur një tendë ku strehoheshin njerëz të zhvendosur në qytetin jugor të Khan Younis.

Ushtria izraelite thotë se sulmet u kryen pas asaj që e përshkroi si shkelje të armëpushimit nga Hamasi, ndërsa grupi palestinez i ka cilësuar këto sulme si më të rëndat që nga armëpushimi i ndërmjetësuar nga SHBA-ja në tetor. Të dyja palët kanë akuzuar njëra-tjetrën për shkeljen e marrëveshjes.

Forcat izraelite njoftuan se kanë goditur “objektiva të Hamasit”, duke përfshirë tunele nëntokësore, komandantë dhe depo armësh. Ndërkaq, Hamasi ka dënuar sulmet dhe i ka bërë thirrje Shteteve të Bashkuara për ndërhyrje të menjëhershme, duke folur për “lufte brutale kundër Rripit të Gazës”.