Qeveria zvicerane po diskriminon burrat në rregullat e saj për përfitimet e pensioneve, ka gjetur Gjykata Evropiane e të Drejtave të Njeriut (GJEDNJ).

Vendimi do të kushtojë miliona në pagesa të prapambetura dhe do të detyrojë qeverinë të rishkruajë ligjin e pensioneve, shkruan BBC.

Aktualisht, grave, burrat e të cilave vdesin, u paguhet pension për pjesën tjetër të jetës së tyre, ndërsa burrat marrin pagesa vetëm nëse kanë fëmijë nën 18 vjeç.

Koncepti se burri siguron të ardhurat kryesore në një familje nuk mjafton për ta justifikuar këtë, konstatoi GJEDNJ.

Vendimi u përqendrua në rastin e Max Beeler, një zviceran, gruaja e të cilit vdiq në një aksident në fillim të viteve 1990.

Më pas, 41 vjeç, ai la punën e tij për t’u kujdesur për dy fëmijët e tyre të vegjël dhe u mbështet nga një pension që u jepet personave, raportuan mediat lokale.

Por në vitin 2010 pagesat e pensioneve u ndërprenë pasi fëmija i tij i vogël mbushi 18 vjeç.

Beeler, i cili kishte qenë jashtë vendit të punës për shumë vite duke u mbështetur në pension, paraqiti një apel kundër vendimit.

Kjo u anulua, pasi gjykata në rajonin e tij lokal tha se ligji i njihte qëllimisht burrat si mbajtësit kryesorë të familjes në shumicën e familjeve.

Ai argumentoi se burrat e ve me përgjegjësi për kujdesin ndaj fëmijëve mund të kthehen në punë sapo fëmijë të rriten, ndërsa e njëjta gjë nuk ishte e vërtetë për vejushat.

Çështja përfundimisht u dërgua në GJEDNJ, ku Beeler argumentoi me sukses se ai ishte diskriminuar.

Gjykata konstatoi se roli i grave në vendin e punës kishte ndryshuar, dhe kështu mospërputhja shkelte nenin 14 të Konventës Evropiane për të Drejtat e Njeriut në diskriminimin e burrave.

Beeler tani do të marrë pensionin e tij dhe burra të tjerë të ve do të mund të paraqiten për të kërkuar përfitime të papaguara.

Vendimi pritet të rihapë një debat të gjatë në Zvicër rreth asaj se sa pushtet duhet të kenë gjyqtarët evropianë mbi ligjin vendas.

LEXONI GJITHASHTU:

• Ekspertët e OKB-së: Zvicra, probleme “sistematike” me racizmin
• Nga sot Zvicra lejon martesat brenda të njëjtës gjini