100 milionë doza shtesë, BE ka rënë dakord për shtimin e numrit të vaksinave Pfizer dhe BioNTech

Bashkimi Evropian do të blejë 100 milionë doza shtesë të vaksinës Pfizer dhe BioNTech, duke e çuar totalin nga dy firmat në 300 milionë doza. Lajmin e konfirmoi të martën Presidentja e Komisionit Evropian, Ursula von der Leyen.

“Ne vendosëm të merrnim edhe 100 milion doza shtesë të vaksinës BioNTech / Pfizer, e cila tashmë po përdoret për të vaksinuar njerëzit në të gjithë Bashkimin Europian. Prandaj do të kemi 300 milionë doza të kësaj vaksine, e cila u vlerësua si e sigurt dhe efektive”, shtoi znj. Von der Leyen.

Plani vjen pasi disa nga kandidatët e vaksinave të porositura nga BE u përballën me vonesa të papritura në provat klinike, duke detyruar bllokun dhe kombet e tjera të mbështeten në vaksina kundër covid-19, nga më pak prodhues sesa ishte planifikuar fillimisht.

100 milionë doza shtesë do të furnizohen me të njëjtin çmim, por për kohën e dorëzimit është ende duke u negociuar, thanë zyrtarët e BE.