113-të vjetori i lindjes së piktores meksikane, Frida Kahlo

6 korriku shënon përvjetorin e 113-të të ditëlindjes së piktores meksikane Frida Kahlo. Ajo ishte një artiste që eksploronte psikikën femërore me një guxim dhe imagjinatë që i kalonte kufijtë e kohës, dhe jo vetëm. Frida Kahlo më së shumti pikturonte autoportrete dhe krijimtaria e saj frymëzohej nga kultura meksikane.

[
cite_header=Ata thonin se isha surealiste, por unë nuk isha. Asnjëherë nuk kam pikturuar ëndrra. Unë pikturoja realitetin tim.
cite_author=Frida Kahlo
cite_description=Artiste
]

Pas vdekjes së saj më 1956, vetëm 47 vjeç, punimet e saj vazhduan të ishin të panjohura për publikun deri më 1970, kur historianë dhe aktivistë politikë e rizbuluan atë. Sot, Frida Kahlo është një ndër figurat kryesore të artit të shekullit të 20-të.

Pikturat e saj trajtonin tema si identitetin, trupin njerëzor dhe vdekjen. Ajo gjithashtu njihet për marrëdhënien e saj me artistin e njohur Diego Rivera.

Në vitin 1925, Kahlo u përfshi në një aksident me autobus. Pasojat ishin aq të rënda sa iu deshën të kalonte më shumë se 30 operacione. Gjatë rimëkëmbjes, ajo mësoi të pikturonte dhe lexonte shpesh artin e Mjeshtërve të Vjetër. Megjthëse pikturat e saj dhe autoportretet veçanërisht janë mjaft abstrakte, modelimi i butë i fytyrës tregon interesimin e saj për realizmin.