12 viktima dhe dhjetëra të humbur nga përmbytjet në Francë dhe Itali

Përmbytjet në Itali dhe Francë i kanë marrë jetën 12 personave ndërsa të paktën 20 persona janë shpallur të humbur.

Trupi i një gruaje u gjet në Detin Mesdhe nga ekipet e shpëtimit të Italisë, ndërsa të dielën trupat e pesë burrave u gjetën në kufirin e provincës Imperia.

Një ditë më herët, ekipet e shpëtim kërkimit zbuluan trupin e pajetë të një qytetari që kishte mbetur i bllokuar në makinën e tij të cilën e kishte marrë rrjedha në zonën e Alpeve Maritime.

Disa shtëpi dhe një urë e kësaj zone janë shkatërruar plotësisht.

Autoritetet franceze arritën të lokalizojnë 20 persona, 8 prej të cilëve në zonën e Alpeve Maritime, të cilët u shpëtuan nga rrjedha e fuqishme.

Rreth 1 mijë zjarrfikës dhe ushtria janë mobilizuar në zonën juglindore të Francës për të ndihmuar banorët. 

#Inondations #AlpesMaritimes Ce matin, des modules drone et eau potable de l’@uiisc7 sont arrivés sur zone.
?? 6 hélicoptères sont engagés, renforçant l’action des 760 sapeurs-pompiers et 190 sapeurs-sauveteurs mobilisés pour secourir les populations et rétablir les réseaux. pic.twitter.com/YQIqcOSBSg

— Sécurité Civile (@SecCivileFrance) October 5, 2020

Guvernatorët e Ligurias dhe Pjemontes i kanë bërë thirrje qeverisë italiane për ndihma emergjente.

Përmbytjet në Itali janë kthyer shpesh në raste të jashtëzakonshme për shkak të mungesës së mirëmbajtjes në pastrimin e lumenjve dhe kanalizimeve si pasojë e shkurtimeve në buxhet.

Ministri italian i Financave, Roberto Gualtieri, tha për televizionin shtetëror RAI se fondet e rimëkëmbjes të pandemisë duhet të akordohen dhe për mjedisin, duke shtuar se “do të ketë investime shtesë”.

Lexoni gjithashtu

Stuhia “Alex” godet Francën e Italinë, erë dhe shira të rrëmbyeshëm, dy viktima dhe 25 persona të zhdukur

Dy të vdekur dhe 24 të zhdukur nga përmbytjet në Francë dhe Itali