15 mijë € në shtëpi, arrestohet shqiptari që merrej me trafikun e drogës në Itali

Një 43-vjeçar shqiptar, identiteti i të cilit nuk është bërë i ditur është vënë në prangat e Policisë italiane në Garbagnate, Milano pasi u kap në flagrancë duke shitur kokainë.

Mediat e huaja, bëjnë me dije se arrestimi i tij u bë në një lokal në rrugën “Kennedy” të Garbagnate.

Ai është munduar të arratiset sapo ka parë policinë, por që kësaj të fundit nuk i ka shpëtuar dot.

Autoritetet pasi kanë bërë kontrollin në shtëpi i gjetën 13 mijë euro, të cilat i kishte fshehur poshtë krevatit si dhe 2 mijë euro që i kishte futur poshtë jorganit, shkruajnë mediat greke. 

Mbi shqiptarin rëndon akuza e trafikut të lëndëve narkotike, ndërkohë deri në vitin 2026 nuk ka të drejtë të futet në Itali.

LEXONI GJITHASHTU: 

• Aksident në Greqi/ Makina bie nga shkëmbi, plagoset shqiptari, vdesin dy grekë
• Dy bomba shpërthejnë stacionet e autobusëve në Jerusalem, 1 viktimë, 14 të plagosur