16 të vdekur në Florida, rëndohet bilanci i viktimave të shembjes së godinës 12-katëshe

Katër trupa të tjerë të pajetë janë nxjerrë nga rrënojat e ndërtesës 12-katëshe të shembur javën e kaluar në Majemi, duke e çuar bilancin e viktimave në 16 persona.

Deri më sot, kur ka kaluar fiks një javë nga rrënimi i godinës, askush nuk është nxjerrë i gjallë nga rrënojat dhe personat e konsideruar të humbur janë 147.

Sidoqoftë, autoritetet kanë deklaruar se shpresojnë në gjetjen e personave të gjallë. Ndërkohë, hetuesit nuk kanë arritur ende në një përfundim mbi shkaqet e shembjes së ndërtesës 40-vjeçare.

Godina ndodhet në lokalitetin Sërfsajd (Surfside) dhe rezulton e ndërtuar në vitin 1981. Përreth saj ka shumë plazhe të frekuentuara nga vendas dhe turistë.

LEXONI GJITHASHTU: 

• Shembet ndërtesa 12-katëshe në Florida, një i vdekur dhe 50 të humbur
• Vijojnë kërkimet në pallatin e shembur në Florida, 159 persona rezultojnë ende të zhdukur
• 10 të vdekur në Florida, rëndohet bilanci i viktimave të godinës së shembur